Нокиа од финскиот парламент бара контрола врз службените мејлови, објавуваат хелсиншките медиуми. Доколку не биде променет законот, со кој на компаниите им се забранува контрола на електронската пошта на своите вработени, мобилниот гигант се заканува со напуштање на матичната земја. Како причина за ваквото барање е сомнежот во службениците на фирмата дека праќаат доверливи информации на својот кинески ривал. За да овозможи контрола на електронската пошта на службениците, се бараат детални информации за примачот, времето и големената на пораката, но и содржината на мејлот. Ваквата изјава од претставниците на Нокиа беше потврдена, но премиерот на Финска вели дека не бил запознаен со ултиматумот на Нокиа. Според хелсиншкиот Саномат, Нокиа очекува промената на законот да биде едногласно подржана, при тоа истакнувајќи дека доколку законот биде одбиен, Нокиа ќе излезе од пазарот од Финска. Правните аналитичари тврдат дека овој нов предлог на законот, преставува чисто кршење на приватноста на службениците во компанијата.