Во известувањето од Бритиш Ервејз се вели дека во првите девет месеци од финансиската година 2007/2008 е остварена загуба од 127 милиони фунти, додека пак добивката изнесува 642 милиони фунти. Извршниот директор БА Вили Валш, како главен виновник ваквиот лош финансиски резултат  се наведува слабеењето на вредноста на фунтата како и глобалната економска криза.

Приходите во првите девет месеци се зголемени за 6,2 отсто, на 7,05 милијарди фунти. На оперативно ниво, Бритиш Ервејз оствари добивка од 89 милиони фунти, во однос на остварените 744 милиони во истиот период претходната година. Бројот на патниците е намален за 1,3 отсто на годишно ниво.

Компанијата за престојната фискална година прогнозира раст од 4 отсто на приходите на годишно, додека пак проекцијата на оперативната загуба е на ниво од 150 милиони фунти.

Бритиш Ервејз е официјален национален авиопревозник на Велика Британија и една од најголемите авиокомпании во светот. Главни централи на авиокомпанијата се аеродромите: Лондон Хитроу и Лондон Гетвик.