ИЛ Месаџеро не го наведува изворот на своите информации. Планот на УниКредит банка предвидува дека 1.300 вработени би требало да отидат во предвремена пензија во текот на следната година, а останатите 2.400 во 2010 година. Весникот наведува дека поголемиот дел од пензионирањето ќе се спроведе во Рим и Палермо, каде свои седишта имаат филијалите на УниКредит- Банка Сицилија и Банка ди Рома.

Двегодишниот план вклучува и вработување на 400 нови работници, тврди италијанскиот дневник. Како потсетување, УниКредит во третото тримесечие годинава забележа пад на добивката од 54% во однос на минатогодишниот период, која сега изнесува 551 милони евра. Благодарение на воведувањето на нови сметководствени стандарди, кварталните извештаи објавиле подобри резултати наспроти очекувањата на аналитичарите, и покрај последиците предизвикани од финансиската криза.